Романија, Бугарија и Хрватска се земјите со највисока априлска годишна инфлација во Европската Унија (ЕУ). Растот на цените на стоките и услугите во тие земји го помести европскиот просек, кој надмина три проценти и достигна 3,2 проценти.

Годишната инфлација во ЕУ беше 2,8 проценти во март, а 2,1 процент во февруари. Ова значи дека последиците од војната во Иран, првенствено преку порастот на цените на нафтата и гасот, се прелеаја во Европа и извршија притисок врз другите цени.

Според податоците на Евростат, Турција имаше највисока стапка на инфлација во Европа со 32,4 проценти. Романија беше зад Турција со стапка од 9,5 проценти, додека Бугарија го зазеде третото место со инфлација од шест проценти.

Следна е Грузија со стапка од 5,9 проценти, по што следува  Македонија со инфлација од 5,7 проценти.

Следната европска земја каде што цените најмногу пораснаа беше Хрватска со годишна инфлација од 5,4 проценти, потоа Луксембург со 5,2 проценти, по што следуваат Литванија (4,9 проценти), Исланд (4,9 проценти), Грција (4,6 проценти), Белгија (4,2 проценти) и Словачка (4,1 процент).

Србија, Црна Гора и Ирска имаа годишна инфлација, мерена според HICP, од 3,6 проценти.

Најниска инфлација во Европа беше забележана во Швајцарија и Шведска, каде што изнесуваше по 0,5 проценти. Ниска инфлација беше измерена и во Данска (1,2 проценти) и Чешка (2,1 процент). Сите други земји имаа инфлација повисока од 2,1 процент.

Меѓународниот монетарен фонд (ММФ), Светската банка и централните банки ширум светот предупредуваат дека инфлацијата може дополнително да се забрза до крајот на годината, особено ако војната во Иран продолжи.

Фото Економија и бизнис