Цената на нафтата на денешното берзанско тргување нагло пораснаа, при што суровата нафта Брент достигна 105 долари за барел, за прв пат од мај годинава.

Главната причина е новата ескалација на конфликтот на Блискиот Исток, што сè повеќе влијае на глобалните финансиски пазари, пишува CNN.

Цените на нафтата повторно се искачија над 100 долари за барел оваа недела по интензивираните борби во Ормуската Теснина и Црвеното Море. САД и Иран разменија напади, додека Хутите од Јемен, поддржани од Иран, ја нападнаа Саудиска Арабија, дополнително зголемувајќи ги тензиите во теснецот Баб ал-Мандаб.

Брент и американската сурова нафта пораснаа за повеќе од четири проценти во четврток, по што цените малку паднаа. Американската сурова нафта достигна 100 долари за барел, пред да се стабилизира околу 99 долари.

Пазарите се загрижени за потенцијални прекини во глобалното снабдување, особено во протокот на нафта низ Ормуската Теснина. Во исто време, повисоките трошоци за енергија ги зголемуваат инфлациските притисоци и очекувањата за понатамошно зголемување на каматните стапки, пренесува Индекс.хр.

Фото Економија и бизнис