Изнајмувањето на стан  е голем финансиски товар за многу закупци во Германија, но стравот од уште поскапи договори ги одвраќа од преселба, и покрај желбата за промена, според истражувањето на Институтот Аленсбах. Киријата претставува голем или многу голем финансиски товар за 52 проценти од испитаниците, според анкета нарачана од компанијата за недвижности Хајмстаден.

Закупците сè уште остануваат во квадратните метри што ги изнајмиле, плашејќи се од уште повисоки кирии, што го продолжило просечното време на живеење во истиот дом на 18 години. Пред десет години, 40 проценти од закупците живееле во истиот стан помалку од пет години, а денес само 26 проценти наведуваат толку краток период на изнајмување.

Уделот на оние кои живееле во истиот дом најмалку 20 години се зголемил на 24 проценти и е за шест процентни поени повисок отколку во 2019 година. Кога ќе се земат предвид дополнителните трошоци, закупците денес им плаќаат на сопствениците на недвижности 20 проценти повеќе кирија, од просек од 807 евра месечно.

Новите договори за изнајмување станбени објекти носат значително повисоки цени во многу градови. Во Хамбург и Минхен тие сега се за речиси 50 проценти повисоки отколку во 2016 година, а во Берлин за приближно 66 проценти. И покрај финансискиот притисок, огромното мнозинство закупци се задоволни од изнајмените квадратни метри, вкупно 83 проценти од нив.

Фото Економија и бизнис