ПРОДОЛЖУВА НОЕМВРИСКИОТ НАДОЛЕН ТРЕНД НА ЦЕНИТЕ НА НАФТАТА, вчера е постигнато најниското ниво од август годинава

Цените на нафтата на вчерашното тргување се намалија, при што суровата нафта од северноморскиот Брент се намали за 2,5 проценти и достигна 91 долар за барел, што е најниско ниво од 31 август. Во исто време, цената на американската сурова нафта WTI падна за четири проценти, на помалку од 83 долари за барел, односно на најниската цена од 26 август, објави „Трејдинг економикс“.

Падот на цените дојде откако податоците од американската Администрација за енергетски информации (EIA) покажаа ново зголемување на залихите на сурова нафта и нафтени производи во Соединетите Американски Држави.

Според податоците на EIA, залихите на сурова нафта се зголемија за 3,38 милиони барели, на вкупно 417,8 милиони барели, во текот на неделата што заврши на 13 ноември, по добивката од 4,657 милиони барели во претходната недела.

Залихите на бензин се зголемија за 5,192 милиони барели, додека залихите на дестилати, вклучувајќи дизел и мазут, се зголемија за 1,571 милиони барели.

Цените на нафтата паднаа за повеќе од 20 проценти во ноември, под притисок на закрепнувањето на залихите од Блискиот Исток и очекувањата дека американскиот претседател Доналд Трамп ќе избегне повторно оживување на тоталните непријателства со Иран.

Сепак, зголемените тензии во регионот продолжуваат да претставуваат ризик за поморскиот транспорт и протокот на испорака на нафта, пренесува Политика.


Фото Економија и бизнис

Повеќе од истиот автор

Најчитано