Италијанската влада усвои нов декрет со кој се обезбедуваат дополнителни мерки за поддршка на секторот за патен транспорт, изјави вицепремиерот Матео Салвини.

За време на неговата посета на префектурата во Милано, тој рече дека се деблокирани дополнителни милијарда евра за покривање на зголемувањето на цените на дизелот, објави Република.

„Во тек е обработка на барањата за покривање на зголемувањето на цените на дизелот, бидејќи има повеќе од 32.000 апликации од вкупно 99.000 компании во секторот за патен транспорт, па првите износи ќе бидат исплатени во рок од неколку дена“, рече Салвини.

Според него, посебно внимание е посветено на малите превозници и сопствениците-возачи кои се најпогодени од зголемувањето на цените на горивата.

„Превозниците со две до четири возила од постарата генерација претходно беа исклучени од европските субвенции, поради што владата одлучи директно да им излезе во пресрет со овој пакет мерки“, рече Салвини.

Обраќајќи се на разликите во рамките на секторот, Салвини истакна дека поголемите компании генерално се задоволни од пакетот што вклучува покривање на трошоците за гориво и замена на возниот парк, пренесува Еуроњуз.рс.

Фото Економија и бизнис