Повеќето мајстори за поставување на плочки од Македонија заминаа на „привремена“ работа во Хрватска, поради повисоките дневници. Во екот на летото, не е лесно да се стигне до плочкар во Хрватска, бидејќи мајсторите керамичари во сите делови на земјата се резервираат со месеци однапред. Во просек, цената за поставување плочки со стандардна големина на подготвена површина се движи од 25 до 30 евра по квадратен метар. За купување и поставување заедно, потребно е да се издвојат околу 28 до 40 евра по квадратен метар, пишуваат медиумите во Хрватска.

Вредноста на работата е дефинирана од сложеноста на работата, избраниот материјал, колку квадратни метри се вклучени (дали станува збор за работа во целата зграда или само во една просторија), но и од локацијата.

Во јули и август, повеќето занаетчии го користат својот годишен одмор. Сепак, летото сигурно не е погодно за работа на отворено, ако станува збор за тераси или базени.

Цената може да се зголеми и во зависност од употребените материјали, големината на форматот на плочката и други фактори.

Големите плочки со должина од 1,8 метри или 2 метри на 1 метар, на пример, се посебни формати, што ќе се одрази на цената. Цените на квалитетните плочки се движат помеѓу 40 и 50 евра, а изработката исто така влијае на цената. Во повеќето продавници низ Хрватска, плочките 40×40 се продаваат за околу 20 евра за квадратен метар, 60×60 за 20 до 24 евра, а имало и правоаголни форми за слична сума.

Фото Економија и бизнис