Патниците имаат обврска да платат доплати за авиогориво доколку зголемувањето е до осум проценти и додаде дека доплатата за цената на горивото зависи од должината на летот, изјави Александар Сеничиќ, директорот на Националното здружение на туристички агенции на Србија (YUTA)

Сеничиќ коментирајќи го скокот на цените на авиогоривото поради кризата на Блискиот Исток, изјави дека доколку доплатата за авиогориво е поголема од осум проценти, тогаш патникот би можел да се откаже од патувањето и да побара враќање на парите. Тој спомена дека авиогоривото е ставка што драстично влијае на цената на авио билетите, дури и повеќе од 30 проценти од вкупната цена на авиопревозот.

„Кога склучуваме договор за превоз со авиокомпании, тој се склучува најчесто на крајот од годината за следната сезона. Кога ги добиваме тие цени што подоцна ги пуштаме на продажба, една ставка во договорот се однесува на промената на цените на горивото. Авиокомпаниите се заштитени со договор дека доколку има драстична промена на цената нагоре, тогаш авиокомпаниите мора да ја наплатат разликата во горивото“, објасни тој.

Како што изјави тој, во времето на потпишување на договорот за оваа летна сезона, цената на еден тон гориво била околу 800 долари, а денес е околу 2.000 долари.

Александар Сеничиќ рече дека законот  во Србија предвидува цената на доплатата да се зголеми до осум проценти и додаде дека е обврска на агенцијата да го извести патникот најмалку 20 дена однапред за оваа промена, пренесува НИН.

Фото Економија и бизнис