Германските компании планираат малку помалку отпуштања од претходно, но закрепнувањето на економијата сè уште не е доволно силно за да поттикне повеќе вработувања, според извештајот за октомври објавен од Ифо, економскиот институт во Минхен.

Вредноста на индексот, кој ја мери подготвеноста на германските фирми за вработување, се зголеми од септемвриските 95,1 поени на 95,5 поени, што укажува на мало подобрување на очекувањата.

Во преработувачката индустрија, ситуацијата малку се влоши во споредба со септември, а компаниите сè уште најмногу планираат да го намалат бројот на вработени, особено во автомобилската индустрија.

Производителите на опрема за обработка на податоци, електронски и оптички производи планираат нови вработувања.

Услужниот сектор покажува поголема подготвеност за вработување, додека оптимизмот се зголемува и кај агенциите за привремено вработување, благодарение на подобрените економски перспективи.

Во трговијата, компаниите сè уште планираат да го намалат бројот на работници, а се очекува и мало намалување на вработеноста во градежништвото.

Фото Економија и бизнис