Додека војната во Иран ги турка глобалните цени на храната на највисоко ниво во последните три години, синџирите на снабдување страдаат од последиците предизвикани од екстремните временски услови.

Економските експерти предупредија дека овогодинешниот глобален атмосферско-океански феномен супер-Ел Нињо би можел да предизвика сериозен шок врз глобалните цени на храната што би можел да трае до 2028 година.

Додека војната во Иран ги крева светските цени на храната на највисоко ниво во последните три години, економистите предупредуваат дека синџирите на снабдување истовремено страдаат од „два шока“ поттикнати од екстремните временски услови поврзани со глобалното затоплување.

Научниците изјавија дека Ел Нињо 2026-2027 година,  што се случува кога промените во моделите на ветерот дозволуваат потоплата вода да се шири низ централниот и источниот екваторски Пацифик, има историски потенцијал да се развие во тежок климатски настан што ќе поттикне топлотни бранови, поплави и бурно време.

Националната океанска и атмосферска администрација на САД (NOAA) минатиот месец потврди дека условите за затоплување на океаните се зајакнуваат во Пацификот и дека постои 63 проценти шанса температурите на површината на морето да надминат 2 степени Целзиусови над нормалата подоцна оваа година.

Во време кога домаќинствата низ целиот свет веќе чувствуваат притисок од растечките трошоци за живот, експертите велат дека екстремниот Ел Нињо, неформално опишан како „супер“ или „Годзила“ Ел Нињо, би можел да го зголеми тој притисок. Изгледа дека нов инфлаторен шок би можел да ги вознемири централните банки, зголемувајќи загриженост дека каматните стапки би можеле да останат високи, предупредуваат економските експерти, пренесува Политика.

Фото Економија и бизнис