По завршувањето на работите, патувањето со воз помеѓу Париз и Милано ќе трае околу четири и пол часа, наместо сегашните шест и пол до седум и пол часа

Европа гради една од најголемите железнички инфраструктурни врски во својата историја – се гради нова брза железница помеѓу Лион и Торино, чиј централен дел ќе биде тунелот Мон Сени долг 57,5 ​​километри, а по завршувањето ќе биде еден од најдолгите железнички тунели во светот и значително ќе го промени патничкиот и товарниот сообраќај помеѓу Франција, Италија и остатокот од Европа.

Проектот Лион-Торино се проценува на околу 11,1 милијарди евра, од кои половина се обезбедени од Европската Унија.

Главниот тунел ќе поминува помеѓу градовите Сан Жан де Моржен и Сус, а на некои делови ќе биде повеќе од еден километар под површината на Алпите.

Досега се ископани околу 48 километри од вкупно 164 километри тунели и придружни подземни објекти што го сочинуваат прекуграничниот дел од проектот.

По завршувањето на работите, патувањето со воз помеѓу Париз и Милано ќе трае околу четири и пол часа, наместо сегашните шест и пол до седум и пол часа, што ја прави железницата сериозна алтернатива на воздушниот сообраќај.

Според сегашните планови, тунелот треба да биде завршен во 2033 година, кога врската Лион-Торино ќе стане една од најважните железнички рути во Европа, пренесува Политика.

Фото Економија и бизнис