Американската берза на вчерашното тргување достигна рекордно високо ниво, благодарение на надежите дека војната со Иран нема да предизвика најлошо сценарио за глобалната економија и дека би можела да заврши наскоро, објави денес Асошиејтед Прес (АП).

Берзанскиот индекс S&P 500 порасна за 0,8 проценти, надминувајќи го претходниот највисок рекорд поставен во јануари.

Откако падна за речиси 10 проценти на рекордно ниско ниво кон крајот на март, овој клучен индекс порасна за повеќе од 10 проценти во последните две недели.

Поголемиот дел од растот доаѓа од очекувањата за ублажување на тензиите во војната и враќање на целосниот проток на нафта од Персискиот Залив.

Извори во регионот изјавија за АП дека САД и Иран постигнале „договор во принцип“ за продолжување на прекинот на огнот за да се овозможи понатамошна дипломатија.

Фото Економија и бизнис