УНГАРИЈА, РОМАНИЈА И ПОЛСКА СО НАЈГОЛЕМО НАМАЛУВАЊЕ НА ГРАДЕЖНИТЕ РАБОТИ ВО ЕУ

Обемот на градежни работи во eврозоната во септември се зголеми за 0,1 процент на месечна основа, додека во Европската Унија е забележано намалување од 0,5 проценти. Во споредба со истиот месец минатата година, обемот на работи се намали за 1,5 проценти во eврозоната и 1,4 проценти во ЕУ, објави Евростат.

Словенија постигна една од највисоките стапки на раст на градежната активност, и месечно и годишно.

Во септември во eврозоната, во споредба со август, обемот на работи на згради се зголеми за 0,7 проценти, додека обемот на работи на градежни конструкции се зголеми за 0,8 проценти. Во исто време, специјализираните градежни работи забележаа намалување од 0,1 процент, објави Евростат.

Во Европската Унија, обемот на работи на згради се зголеми за 0,9 проценти, додека обемот на работи на градежни конструкции се намали за 1,7 проценти. Специјализираните градежни работи, исто така, забележаа намалување од 0,1 процент.

Меѓу земјите-членки за кои беа достапни податоци, најголем месечен раст е забележан во Словенија, имено 4,6 проценти. Словачка следеше со раст од 2,2 проценти, а потоа Шведска и Финска, кои забележаа раст од по еден процент.

Од друга страна, најголем пад на градежната активност доживеа Унгарија, за 9,9 проценти, Романија, за 7,8 проценти и Полска, за 7,2 проценти.

На годишно ниво, обемот на градежни работи во еврозоната се намали за 4,0 проценти. Работите во градежништвото бележат намалување од 0,9 проценти, додека обемот на специјализирани градежни работи се намали за 1,4 проценти.

Во Европската Унија, годишниот пад на обемот на градежни работи изнесуваше 3,8 проценти. Работите во градежништвото се намалија за 1,7 проценти, а специјализираните градежни работи за 1,3 проценти.

Меѓу земјите-членки за кои Евростат имаше достапни податоци, најголем годишен пад е забележан во Шпанија, 9,7 проценти. Потоа следуваат Полска со пад од 8,9 проценти и Унгарија со 5,6 проценти.

Највисок годишен раст остварија Романија, за 13,1 проценти, Финска, за 12,6 проценти и Словенија, за 4,9 проценти.


Фото Економија и бизнис

Повеќе од истиот автор

Најчитано