Роскосмос и НАСА се согласија да ја продолжат заедничката работа на Меѓународната вселенска станица (МВС) до 2030 година, објави денес генералниот директор на Роскосмос, Дмитриј Баканов.

„Се согласивме за трите најважни работи, а првата е продолжување на нашата заедничка работа на МВС до 2030 година“, рече Баканов на прес-конференција по слетувањето на вселенскиот брод „Сојуз МС-29“ со екипаж на Меѓународната вселенска станица, без да ги прецизира двете преостанати работи, пренесува Тасс.

Космонаутите на Роскосмос, Пјотр Дубров и Ана Кикина, како и астронаутот на НАСА, Анил Менон, кои денес пристигнаа на МВС, ќе поминат 261 ден таму и ќе спроведат 38 научни експерименти, вклучувајќи две вселенски прошетки.

Директорот на НАСА, Џаред Искаман, на заедничката прес-конференција со Баканов во Бајконур, изјави дека Соединетите Американски Држави ќе се обидат да ја продолжат соработката со Русија во вселената што е можно подолго.

„Ќе продолжиме да го правиме тоа колку што можеме во иднина“, рече Исакман.

Тој истакна дека МСС е одличен пример за тоа како функционира соработката меѓу Русија и САД и додаде дека само преку таква соработка е можно да се обезбеди континуирано присуство и на Русите и на Американците во вселената, пренесува Н1.

Фото Економија и бизнис