Катастрофалните и ненадејни поплави што го погодија Непал и областа по должината на границата со Тибет одзедоа најмалку 353 животи во Непал, а речиси 1.500 луѓе сè уште се водат како исчезнати.

Меѓу исчезнатите има голем број странски туристи и аџии. На тибетската страна од границата, властите бараат 558 лица, вклучувајќи 260 странски државјани. Спасувачките екипи во Непал успеаја да пронајдат дел од исчезнатите, вклучувајќи околу 100 индиски туристи и 25 кинески работници.

Но, постои значителен ризик од уште една голема поплава по формирањето на езерото.

Непалските власти издадоа предупредување за висок ризик од понатамошни ненадејни поплави. Главната закана е езерото што неодамна се формираше, чија природна брана би можела да попушти и да предизвика поплавен бран. Предупредувањето важи за сите населби по должината на реките Бхоте Коши и Тришули.

Локалните жители, туристите и сите служби за итни случаи во областите низводно од езерото се советуваат да се држат подалеку од бреговите на реката. Дополнително, издадена е препорака да останат во затворени простори до понатамошно известување.

Нестабилното езеро се формирало 18 километри низводно од граничниот премин Расувагади, на границата меѓу Непал и Кина. Надлежната администрација објави и на социјалната мрежа X. „Ризикот од уште една голема поплава сè уште постои. Апелираме до сите во низводните области да бидат исклучително внимателни и да останат подготвени“, се вели во нивното соопштение, пренесува Индекс.хр.

Фото Економија и бизнис