Владата на Нов Зеланд до средината на 2029 година ќе отпушти речиси 14 отсто од вработените во државната администрација, како дел од стратегија за значајно намалување на трошоците, изјави денеска министерката за финансии, Никола Вилис.

Вилис пред претставници на бизнис-заедницата во Оукленд рече дека Владата исто така ќе го намали буџетот на повеќето државни агенции во следните три години, ќе го намали бројот оддели во јавната администрација и ќе бара побрзо воведување на технологијата на вештачка интелигенција во целиот сектор.

Таа наведе дека целиот план предвидува заштеди од околу 1,4 милијарди долари.

Според неа, во Велингтон би имало 8.700 помалку државни службеници, а уделот на административни работници во вкупното население би се намалил од 1,2 на  еден процент.

„Тоа е неодржливо, недостапно е и не е во согласност со меѓународните трендови“, рече таа.

Министерката нагласи дека со отпуштањата нема бидат опфатени наставниците, армијата и лекарите.

Мерките предвидуваат и намалување на бројот на владини канцеларии и агенции.

Синдикатите и опозициските партии ги осудија најавените мерки.

Фото Економија и бизнис