Европа ја очекува пресврт по арктичкиот студ, па температурите во многу земји, вклучувајќи ги Франција и Англија, би можеле да се зголемат за дури 15 степени Целзиусови во наредните денови, додека во делови од Соединетите Американски Држави топлото време би можело да отстапи место на снежни врнежи.

Во Европа, по подолг период на студено време во поголемиот дел од континентот, се очекува пресврт во наредните денови, со продирање на потоплиот воздух во западните и централните делови.

Фронт со висок притисок над Северниот Атлантик и бавно движечки низок притисок над јужна Скандинавија го повлекоа арктичкиот воздух на југ минатата недела, со што температурите се спуштија за 10 до 15 степени Целзиусови под сезонскиот просек повеќе од една недела.

Ваквото време стана поретко во последните децении, бидејќи Европа продолжува да се затоплува побрзо од кој било друг континент поради последиците од климатската криза, според британскиот весник.

Студениот, нестабилен воздух во комбинација со силното мајско сонце истовремено предизвика широко распространети грмотевици, па помеѓу 11 и 16 мај, околу 750.000 удари од гром беа регистрирани низ Европа и околните области.

Подоцна оваа недела, синоптичарите предвидуваат дека во западните делови на континентот ќе се формира голема област со висок притисок, привлекувајќи топол воздух од Северна Африка.

До петок, температурите во многу земји, вклучувајќи ги Франција и Англија, би можеле да се зголемат за 15 степени Целзиусови, достигнувајќи 30 степени во Шпанија и Португалија.

Фото Економија и бизнис