Инвеститорите се незадоволни од исходот од самитот меѓу Трамп и Си Џинпинг.На отворањето на американската берза денес, акциите беа во минус, меѓу другото поради падот на вредноста на технолошките компании и зголемувањето на приносите на американските државни обврзници.

Од друга страна, инвеститорите се разочарани од исходот од самитот меѓу американскиот и кинескиот претседател Доналд Трамп и Си Џинпинг, од кој не беа објавени поголеми економски договори, објави CNBC.

Акциониот индекс S&P 500 изгуби 0,9 проценти, Nasdaq за 1,3 проценти, а Dow Jones за 407 поени, или 0,8 проценти. Акциите на технолошките компании беа меѓу главните губитници, па акциите на Intel паднаа за шест проценти, AMD за три проценти, Micron за пет проценти, додека Nvidia ослабе за три проценти.

Во меѓувреме, приносот на 30-годишната американска обврзница надмина 5,1 процент и достигна највисоко ниво од минатата година, додавајќи ги стравувањата на инвеститорите за инфлацијата и можен подолг период на високи каматни стапки.

На светскиот енергетски пазар, цените на нафтата пораснаа, па американската нафта достигна 104 долари за барел, додека суровата нафта Брент се искачи на 109 долари. Акциите на Боинг паднаа за дополнителни два проценти откако Трамп изјави дека Кина се согласила да купи 200 авиони на компанијата, пренесува Политика.

Фото Економија и бизнис