Европа се подготвува за целосен метеоролошки пресврт. Топлинска купола се развива над поголемиот дел од континентот што би можела да донесе рекордни температури за ова време од годината, а промената на времето се очекува во последните две недели од мај, пишува метеоролошката служба „Severe Weather Europe“.

Промената е предизвикана од зајакнувањето на висок притисок во горната атмосфера. Се формира над северозападна Африка и се шири низ западна и централна Европа. Ова е развој на класичниот феномен на топлотна купола, во кој постојана област со висок притисок делува како капак, заробувајќи го и континуирано компресирајќи го воздухот што се спушта.

Делови од југозападна и западна Европа се подготвуваат за првите официјално топли денови во годината. Во Шпанија и Португалија, се предвидува температурите да се искачат до вредности помеѓу 35 и 39 степени Целзиусови.

Топлата воздушна маса постепено ќе се шири на север и исток, а попладневните температури во поголемиот дел од западна Европа, вклучувајќи ги Обединетото Кралство, Франција и централна Европа, ќе достигнат од 25 до 29 степени Целзиусови. Се очекува температурите да бидат до 15 степени над повеќегодишниот просек за крајот на мај.

Топлинската купола беше клучен фактор во сите големи топлотни бранови што во минатото соборија рекорди во Европа, САД и Канада. Феноменот е доминантна карактеристика на летното време на двата континента. Терминот топлотна купола се користи за да се опише ситуација во која се развиваат екстремно високи температури.

Топлинската купола обично се создава од гребен со висок притисок или многу топла воздушна маса во горната атмосфера. Таквиот систем носи високи, понекогаш рекордни температури во областа под него.

Фото Економија и бизнис