Големото изненадување на музичкиот фестивал „Евровизија“ е секако претставничката на Бугарија, Дара. Таа ја воодушеви публиката со песната „Бангаранга“ толку многу што доживеа најголем скок кај обложувалниците пред синоќешното финале, а потоа победи на Евровизискиот натпревар што се одржа во Австрија.
Додека пред втората полуфинална вечер на Евровизискиот натпревар, таа не беше ниту меѓу првите десет, обложувалниците на крајот ѝ го предвидоа третото место. Сепак, откако ги собраа гласовите на публиката и жирито, шармантната Дара победи.
Дел од текстот на песната Бангаранга од Дара:
Вовед:
Јас оживувам опкружена со заслепувачки светла
Никој нема да спие вечерва
Добредојдовте во бунтот
Рефрен:
Јас сум хаос!
Светлата нè заслепуваат!
Добредојдовте во превирањата!
Оваа евровизиска денс-поп песна со фолклорни елементи носи силна порака за самоовластување, борба против анксиозноста и таканаречената „среќна бунтовност“.
Самата пејачка го откри вистинското потекло на зборот: „Самиот збор доаѓа од јамајканскиот сленг и значи „бучава“, „метеж“, тоа е прекрасен хаос.“
Дара објасни дека оваа песна има „сурова и фонетска моќ“, а таа лично ја поврзува со препознатлив бугарски обичај во кој костимирани мажи изведуваат ритуали за да ги исплашат и избркаат злите духови, пренесува Блиц.
Фото: МИА архива
