Индустријата за дијаманти е во длабока криза. Скапоцените камења низ целиот свет се продаваат сè помалку, а цените се на многу ниско ниво. Причината за ова се, пред сè, производството на синтетичките дијаманти. Но, влијание има и наглото намалување на побарувачката во Кина, како и царините на Доналд Трамп за увоз на дијамантски накит од Индија. Покрај тоа, постојат санкции против руските дијаманти, што дополнително ја комплицира целата работа. Сите овие фактори го става бизнисот со дијаманти пред огромни предизвици.

Високите трошоци за живот и економската неизвесност на клучните пазари во САД, Европа и Азија ги тераат потрошувачите да се воздржат од купување на дијаманти. Покрај тоа, се менуваат и традициите. За многу помлади луѓе, вистинските дијаманти како подароци за веридба или свадба одамна престанаа да бидат толку важни.

Покрај тоа, конкуренцијата од ниски цени доаѓа од лабораториите. Синтетичките дијаманти чинат од 50 до 80 проценти помалку. Нивното производство бара многу енергија, но е помалку штетно за животната средина отколку традиционалното рударство. Рекламниот слоган „дијамантите се засекогаш“ повеќе нема ист ефект како порано.

Гведе Манташе, министер за минерални ресурси на Јужна Африка, неодамна ги повика рударските компании да инвестираат повеќе пари и подобро да ги пласираат своите производи на собир на претставници на индустријата.

„Природните дијаманти се нападнати на многу начини. Индустријата е во криза“, вели тој, пренесува РТЦГ.

Фото Економија и бизнис