Уште еден топлотен бран ќе ги погоди деловите од Франција, кои го забележаа најжешкото лето досега оваа година.

Иако есента официјално започнува во среда, 23 септември, најзначајниот топлотен бран се очекува во францускиот регион Окситанија на почетокот на неделата, со температури кои понекогаш ќе бидат за 7 до 10 степени над сезонските норми.

Според прогнозите, максималната температура ќе биде до 33 степени, на југот од земјата и од 34 до 35 степени.

Толку високата температура во текот на денот ќе создаде значителна разлика до 20 степени во споредба со утринската свежина. Со подолгите ноќи, термометарот понекогаш паѓа многу ниско во текот на ноќта и рано наутро, особено во долините и руралните области.

Франција излегува од најжешкото лето некогаш забележано откако се водат евиденции во 1900 година, обележано со просечна 24-часовна температура што не беше пониска од 24 степени, или +3,6 степени во споредба со нормалата од 1991 до 2020 година. Ова лето, Франција беше погодена од исклучително силни и рекордни топлотни бранови со температури над 44 степени Целзиусови и предизвикаа сериозни последици по здравјето на луѓето, пренесува Политика.

Фото Економија и бизнис