Американските акции пораснаа на на денешното берзанско отворање, додека приносите на американските државни обврзници се намалија, откако инвеститорите добија нов сигнал дека Федералните резерви нема да ги зголемат каматните стапки во септември.

Индексот S&P 500 порасна за 0,5 проценти, технолошкиот Nasdaq за 0,9 проценти, додека Dow Jones доби 305 поени, или 0,6 проценти, објавува CNBC.

Приносот на референтните 10-годишни американски државни обврзници падна на околу 4,75 проценти откако Одборот на гувернери на Федералните резерви, Кристофер Волер, изјави дека ќе биде „склон да поддржи“ задржување на каматните стапки на сегашните нивоа, освен ако нема изненадувања во претстојните податоци за инфлацијата.

Неговата изјава доведе до промена на пазарните очекувања, а веројатноста дека Федералните резерви ќе ги зголемат каматните стапки за неколку недели падна на 50,4 проценти, од 63,2 проценти претходниот ден.

Падот на приносите дополнително го поддржа силниот раст на јапонскиот јен, кој се зајакна во однос на доларот за повеќе од еден процент, на околу 156,1 јени за долар.

Фјучерсите за лесната сурова нафта WTI во САД пораснаа за околу 1 процент на околу 92 долари за барел, додека цената на Брент се искачи на повеќе од 96 долари, пренесува Политика.

Фото Економија и бизнис