Еврото денес ослабна во однос на доларот на најниско ниво од мај 2025 година, бидејќи застојот во разговорите за повторно отворање на Ормуската Теснина и зголемувањето на цените на нафтата ја зголемија побарувачката за американскиот долар како побезбедно засолниште за инвеститорите.

Според тековните податоци од берзата, еврото се продаваше предпладне за 1,13465 долари.

Инвеститорите истовремено ги анализираа изјавите на претседателката на Европската централна банка (ЕЦБ), Кристин Лагард, и проекциите за инфлација во Еврозоната.

Лагард рече дека неодамнешното зголемување на инфлацијата сè уште не довело до значителни дополнителни притисоци врз цените низ еврозоната, што укажува дека ЕЦБ не треба да брза со зголемување на каматните стапки.

Инфлацијата во Еврозоната е веќе над три проценти, а според пазарните очекувања, може да се приближи до четири проценти до крајот на годината.

Економистите генерално очекуваат ЕЦБ да ги задржи каматните стапки непроменети на состанокот на 29 октомври, а потоа да продолжи да ја затегнува монетарната политика во декември, кога ќе бидат објавени нови економски проекции, пренесува Еуроњуз Србија.

Фото Економија и бизнис