Авиокомпаниите во Европа губат пазарен удел во однос на глобалните конкуренти и им е потребна посилна поддршка од Европската Унија за да се справат со растечките трошоци, да го направат горивото за авиони подостапно и подобро да управуваат со кризите, соопшти „Авиокомпании за Европа“ (A4E). Европската комисија побара повратни информации за новата Стратегија за воздухопловство и аеронаутика, а рокот за поднесување предлози истекува во четврток.

Секторот се соочува со последиците од војната во Иран, затворањето на рускиот воздушен простор, пандемијата COVID-19 и порастот на глобалниот протекционизам, што дополнително ја влоши конкурентската позиција на европските превозници.

A4E ја повика ЕУ да го реформира системот за контрола на воздушниот сообраќај, да ги олабави правилата за одржливост и да обезбеди рамка за управување со кризи.

Организацијата, исто така, бара воведување на исклучок за воздухопловството што би овозможило привремено суспендирање на обврските кога нивното исполнување ќе стане непрактично или контрапродуктивно.

Документот посебно ја нагласува потребата ЕУ да се справи со структурниот неуспех на пазарот за одржливо воздухопловно гориво (SAF) и да се справи со предизвиците како што се загушувањето на воздушниот простор и губењето на пазарниот удел за превозниците од Кина и Блискиот Исток, пренесува Бизнис.ба.

Фото Економија и бизнис