Заменувањето на катарскиот течен природен гас  со алтернативни испораки за Европа ќе биде тешко. Според основното сценарио за прогнозата за цената на гасот во Западна и Централна Европа, која вклучува 12 земји, пополнетоста на складиштата се намали од 81 процент на 75 проценти, што одразува слаби стапки на полнење во текот на 2026 година.

Според ажурираното основно сценарио, залихите ќе достигнат врв од приближно 5,7 милијарди кубни метри помалку од претходно очекуваното, шест дена порано. Нивото на зафатеност од 80 проценти е сè уште достижно, но само со поповолен сооднос на понудата и побарувачката.

Земјите кои имаа значително пониско просечно ниво на зафатеност на складиштата во вториот квартал од 2026 година отколку во истиот период од 2025 година, ќе влезат во зимскиот период со дефицит.

Долгорочното отсуство на катарскиот LNG значително влијае на европските цени на гасот, што ќе се почувствува во текот на целата зима 2026/2027 година. Според прогнозата, со интензивирањето на напорите за полнење на складиштата на есен, европските цени на гасот би можеле да пораснат на 80 евра за MWh, во споредба со сегашното ниво од 64 до 68 евра за MWh. Пред една година, цените на гасот беа речиси двојно пониски и изнесуваа помеѓу 31 и 32 евра за MWh.

Холандскиот TTF, главната референтна цена за природниот гас во Европа, ја надмина границата од 70 евра за мегават-час, достигнувајќи највисоко ниво од почетокот на 2023 година. На 1 септември цената дополнително забрза, а на 2 септември фјучерсите се движат околу 74 евра за мегават-час.

На крајот од август европските складишта за природен гас биле наполнети само 65,44 проценти. 

Фото Економија и бизнис