Екстремно топлото време што пристигнува од запад до крајот на неделата ќе предизвика локалните температури во Србија да бидат 10 степени над просекот. Полето на висок воздушен притисок ќе донесе многу стабилно време до крајот на месецот, што ќе  донесе и температури над 38 степени за време на викендот.

-Од утре во Србија ќе имаме црвена метеоролошка тревога, вели метеорологот на „Еуроњуз Србија“, Љубица Гојковиќ.

Како што додава, времето ќе биде целосно ведро и мирно, ветерот ќе остане северен, но нема да ни донесе освежување, додека температурата ќе се движи од 32 до 36 степени. Најжешкиот град овие денови ќе биде Нови Сад, каде што се очекуваат температури до 39 степени за време на викендот.

„Овој топлотен бран ќе трае до почетокот на јули, кога се предвидува заладување, дожд и потенцијални грмотевици“, вели Гојковиќ.

Фото Економија и бизнис