Хрватската влада на телефонска седница дополнително ги намали акцизите за дизел горивото,  но почнувајќи од утре, сите видови горива сепак ќе бидат поскапи. Литар дизел ќе чини 1,91 евро, шест центи повеќе од претходно, додека цената на бензинот ќе се зголеми за еден цент, на 1,74 евра за литар.

Цената на синиот дизел најмногу се зголемува, за 10 центи, па новата цена ќе биде 1,50 евра за литар. Новите цени ќе важат седум дена.

За да се ублажи зголемувањето на цената на дизелот, владата дополнително ја намали акцизата за 0,03 евра за литар. Тој наведува дека акцизите за дизел гориво, со согласност на Европската комисија, се намалени за вкупно 0,10 евра за литар под минимумот пропишан со директивата на ЕУ. Износот на премијата остана непроменет во споредба со претходните седум дена.

Највисоките малопродажни цени сè уште се пресметуваат според основната цена на фосилните горива во претходниот седумдневен период. Премијата е ограничена на 0,1235 евра за литар за бензин, 0,0945 евра за дизел и 0,0236 евра за синиот дизел.

Владата тврди дека без нејзините мерки, т.е. доколку цените биле целосно слободно формирани со претходните акцизи и премии, бензинот би чинел 1,95 евра за литар, а дизелот 2,26 евра. Синиот дизел би чинел 1,60 евра за литар, ЛПГ за резервоари 1,52 евра за килограм, а ЛПГ за боци 2,23 евра, пренесува Индекс.хр.

Фото Економија и бизнис