Цените на нафтата паѓаат, бидејќи трговците го оценуваат напредокот на преговорите меѓу Вашингтон и Техеран, како и најновите податоци за снабдувањето со енергија во Соединетите Американски Држави.

Нафтата Брент е референтниот тип на сурова нафта од Северното Море, кој служи како еден од главните светски репери за одредување на цената на нафтата.

Вчера попладне  септемвриските фјучерси (фјучерси за купување или продажба на стоки по однапред договорена цена) на нафтата Брент на лондонската берза ICE Futures паднаа за 1,47 долари, или 2,02 проценти, на 71,48 долари за барел.

Августовските фјучерси на американската нафта VTI (референтниот американски тип на сурова нафта, познат како „West Texas Intermediate“) на берзата Nimex во исто време беа пониски за 1,04 долари, или 1,5 проценти, и изнесуваа 68,46 долари за барел.

Стратешките резерви на нафта во САД се намалија за 5,536 милиони барели на крајот од неделата што заврши на 26 јуни, на најниско ниво од мај 1983 година, на 325,655 милиони, според неделниот извештај на Администрацијата за енергетски информации на Министерството за енергетика.

Најниското ниво на стратешки резерви беше 324,116 милиони барели на крајот од неделата што заврши на 20 мај 1983 година.

Според податоците од Министерството за енергетика на САД, залихите на сурова нафта во земјата се намалија за 3,78 милиони барели минатата недела.

Залихите на комерцијален бензин се намалија за 2,33 милиони барели, додека залихите на дестилати се зголемија за 2,48 милиони барели. Аналитичарите во просек очекуваа пад на залихите на бензин од 950.000 барели и на залихите на дестилати од 700.000 барели.

Фото Економија и бизнис