Нов ревидиран мировен предлог од Иран би можел да биде поднесен до петок, според извори вклучени во процесот на медијација, објави CNN.

Претседателот на САД, Доналд Трамп, изјави дека разговорите за прекин на конфликтот со Иран во моментов се водат преку телефон, откако претходните директни разговори завршија без договор, а следната рунда беше откажана.

Трамп изјави дека секој можен договор ќе зависи од ставот на Иран во врска со нуклеарната програма, велејќи дека нема да има договор доколку Иран не се откаже од своето нуклеарно оружје.

Шефот на Меѓународната агенција за енергија (IEA), Фатих Бирол, изјави дека светот се соочува со најголемата енергетска криза во историјата поради нарушувањата предизвикани од конфликтот со Иран.

„Пазарите на нафта и гас минуваат низ големи тешкотии. Последниот пат кога погледнав, цената на нафтата беше повеќе од 120 долари, што врши голем притисок врз многу земји“, рече Бирол на конференција во Париз, пренесуваат медиумите во светот.

Фото Економија и бизнис