Стапката на вработување со скратено работно време во Германија скокна на рекордно ниво минатата година, објави Институтот за истражување на трудот и занимањата (ИАБ), пренесува Германската новинска агенција (ДПА).

Според официјалната статистика, бројот на вработени со скратено работно време се зголемил за еден процент во 2025 година, на 16,88 милиони и сочинува речиси две петтини од работната сила, или 39,9 проценти.

Спротивно на тоа, бројот на вработени со полно работно време се намалил за 0,6 проценти на 25,43 милиони.

Растот на секторите со пропорционално голем удел на вработени со скратено работно време е изразен во здравството и социјалната заштита.

Конзервативниот блок на канцеларот Фридрих Мерц ги повика граѓаните да работат повеќе, а можеше да се слушне и предлог за законско укинување на работата со скратено работно време.

Минатата година бројот на вработени во Германија остана приближно непроменет на 45,98 милиони. Со 61,26 милијарди, бројот на работни часови беше за 0,2 проценти помал отколку во 2024 година.

Вработените во Германија работеа во просек 30,4 часа неделно, исто како и претходната година. За споредба, во 2016 година, тие работеа во просек 30,16 часа неделно, пренесува Курир.

Фото Економија и бизнис