Секој четврти потстанар во Белград дава повеќе од половина од својата плата за кирија, а нешто помалку од половина 44,3 проценти, издвојува помеѓу 30 и 50 проценти од својата заработка за изнајмување стан. Прескапи станови, кирија непропорционална на локацијата, зголемување на цената на киријата без претходна најава или договор, стар мебел и бела техника, прозорци низ кои дува ветер, се само некои од најчестите недостатоци на кои се жалат станарите во Србија, според резултатите од истражувањето на порталот 4zida.
Станарите во Белград генерално веруваат дека е тешко да се најдат станови кои се реновирани, на пристојна локација, со пристојни луѓе кои ги издаваат под кирија, и дека цената на киријата е во согласност со платите во Србија. Тие се вознемирени и од нарушувањето на приватноста, а како посебен проблем ја наведуваат дискриминацијата во врска со домашните миленици.
Закупците кои изнајмуваат недвижнини надвор од Белград најчесто се жалат дека становите се неуредни и запуштени, дека сопствениците не инвестираат во нивното реновирање, како и на несоодветно греење и бучава од соседството, поради лоша изолација.
Високите цени се доминантен проблем на закупците во Србија, без оглед на тоа дали изнајмуваат недвижнини во Белград или надвор од главниот град, а на тоа укажуваат повеќе од 80 проценти од испитаниците на анкетата спроведена од тој портал.
Закупците во Белград сметаат дека цените за кирија се превисоки, а дури 60,7 проценти од нив изјавиле дека се целосно нереални во однос на платите. Во внатрешноста, таа разлика е малку помала, па 51,4 проценти, односно секој втор испитаник рекол дека кириите се прескапи.
Во предградијата, ситуацијата е малку поинаква, а дури 85,9 проценти од закупците трошат до 50 проценти од својата заработка за кирија.
Во Белград, 36,4 проценти од станарите се во категоријата граѓани кои плаќаат кирија помеѓу 300 и 500 евра, а дури 10 проценти од испитаниците имаат буџет за кирија што е поголем од 500 евра, додека 7,1 процент плаќаат повеќе од 700 евра месечно за стан, пренесува НИН.
Фото Економија и бизнис
