Саудиска Арабија можеби пронајде алтернативен пат за испорака на нафта откако еден од најважните светски извозни патишта за нафта низ Ормускиот теснец беше блокиран од Иран.

Tаканаречениот нафтовод Исток-Запад сега работи со максимален капацитет.

Според неименуван извор, дневно околу пет милиони барели нафта се транспортираат од Персискиот Залив до пристаништето Јанбу во Црвеното Море, а Саудиска Арабија исто така извезува од 700.000 до 900.000 барели рафинирани производи.

Трасата преку Јанбу само делумно го компензира падот на понудата поради затворањето на Ормускиот теснец. Повеќе  танкери биле пренасочени кон пристаништето Јанбу.

Пред конфликтот, дневно околу 15 милиони барели сурова нафта минувале низ Ормускиот теснец.

Најавата на јеменските Хути дека ќе влезат во војната создава загриженост за пазарот на нафта, и иако Хутите не дале никакви индикации дека ќе нападнат танкери што минуваат низ Црвеното Море и теснецот Баб Ел-Мандеб, тие претходно им се заканувале на бродовите во областа со беспилотни летала и ракети.

Нафтоводот, кој се протега по целата ширина на Арапскиот Полуостров, од огромните нафтени полиња на истокот од земјата до индустрискиот пристанишен град Јанбу, е долг повеќе од 1.000 километри и е создаден како нуспроизвод на претходен конфликт – војната меѓу Иран и Ирак од 1980-тите – во кој беа присутни напади врз бродови во теснецот. Но, сега има речиси целосно затворање предизвикано од сегашниот конфликт, пренесува Политика.

Фото Економија и бизнис