Земјите од Персискиот Залив претрпеа економска штета од над 50 милијарди долари поради затворањето на Ормускиот теснец, додека тензиите на Блискиот Исток ескалираат од почетокот на американско-израелскиот напад врз Иран на 28 февруари, а морскиот теснец останува затворен, според анализата на Истражувачкиот центар за енергетски стратегии и политики на Турција.

Помеѓу 27 февруари и 30 март, извозот на нафта од Иран, Ирак, Кувајт, Саудиска Арабија, ОАЕ и Бахреин се намали од 12,3 милиони барели дневно на 7,8 милиони барели, што е намалување од 36,4 проценти.

Намалениот извоз резултирал со загуба од 15,27 милијарди долари приходи од нафта.

Ако се вклучат прекините во испораките, пратките, електраните и другите сектори на течен природен гас (LNG), вкупните загуби надминуваат 50 милијарди долари.

Податоците од Меѓународната агенција за енергетика (ИЕА) со седиште во Париз покажуваат дека околу 25 проценти од глобалните поморски испораки на нафта минуваат низ Ормускиот теснец, а големите азиски економии, вклучувајќи ги Кина, Јапонија, Јужна Кореја и Индија, се во голема мера зависни од снабдувањето со енергија од Заливот, при што 44 проценти од суровата нафта што се испорачува од регионот се извезува во Кина и Индија, пренесува Н1.

Фото Економија и бизнис