Србија би можела да биде подготвена да влезе во процес на изградба на нуклеарна централа до 2032 година, додека првите капацитети на електричната мрежа би можеле да се најдат по 2040 година, изјави српската министерка за рударство и енергетика Дубравка Ѓедовиќ Хандановиќ.

Хандановиќ изјави дека Србија веќе влегла во првата фаза од развојот на нуклеарната програма, по завршувањето на прелиминарната техничка студија за користење на нуклеарната енергија во мирно време.

Според неа, повеќе од 20 експерти од различни институции работат на 19 инфраструктурни области дефинирани со стандардите на Меѓународната агенција за атомска енергија (МААЕ).

Таа истакна дека во наредниот период, приоритет е да се започнат процедури за подготовка на дополнителни студии кои ги вклучуваат клучните аспекти од првата фаза, вклучувајќи развој на персоналот, избор на локација, учество на домашната индустрија и информирање на јавноста.

Таа додаде дека Француската агенција за развој (AFD) изразила подготвеност да финансира дел од тие активности, кои би се спроведувале во соработка со француската енергетска компанија EDF.

Фото Економија и бизнис