Побавен раст, повисока инфлација и цени на нафтата над 100 долари за барел до крајот на годината како резултат на војната со Иран, дури и ако заврши за неколку недели, се наведува во најновата прогноза на аналитичарите на Банката на Америка.

Глобалната економија, иако е помалку зависна од нафтата, стана многу почувствителна на природниот гас и ѓубривата. Тоа претставува голем ризик за Европа и земјите во развој, посочуваат економистите.

Економистите прогнозираат дека растот на САД ќе се намали за 50 базични поени на 2,3% во 2026 година. Сега се предвидува дека главната инфлација ќе достигне 3,6% во 2026 година, во споредба со 2,8%. Глобално, економистите, исто така, го ревидираа бруто домашниот производ на 3,1% и ги зголемија очекувањата за инфлација на 3,3%.

Ова е во согласност со стагфлациски шок што би влијаел на инфлацијата порано и поизразено од растот на БДП, врз основа на нашето ново основно сценарио со цените на нафтата што остануваат близу 100 долари за барел до крајот на 2026 година, се наведува во анализата на банката.

Прогнозата на Банката на Америка претпоставува дека војната ќе стивне до крајот на овој месец.

Сепак, ако конфликтите ескалираат и продолжат, влијанието на „многу повисоките цени на енергијата, заедно со значителна корекција на цените на активата, би можело да ја турне глобалната економија во рецесионо сценарио“, пренесува Сеебиз.

Фото Економија и бизнис