Колумбија во понеделник беше погодена од силен земјотрес со јачина од 7,4 степени според Рихтеровата скала, во кој, според прелиминарните податоци, загинаа 132 лица, повеќе од 570 беа повредени, додека 188 лица се водат како исчезнати.

Поголемиот дел од жртвите се регистрирани во Переира, главниот град на департманот Рисаралдо, кој се граничи со Сан Хозе дел Палмар во департманот Чоко, во близина на епицентарот на земјотресот. 60 лица загинаа во тој град.

Густаво Ортиз, геолог од Националниот совет за научни и технички истражувања на Аргентина, за CNN изјави дека геолошките и геотектонските околности на двете земји се сосема различни.

– Во западна Јужна Америка, земјотресите често се случуваат кога една плоча, во овој случај Пацифичката плоча тоне под Јужноамериканската плоча, во процес познат како субдукција. Спротивно на тоа, за тој судбоносен земјотрес во Венецуела, меѓусебните плочи беа Јужноамериканската и Карипската плоча, посеверно. Во тој случај, плочите се движеа странично една кон друга и не се случи субдукција, рече Ортиз.

Тој, исто така, ја истакна разликата во длабочината на земјотресот. Додека земјотресите во Венецуела се случија на длабочина помала од 20 километри, сеизмичкиот настан во Колумбија беше регистриран на длабочина од повеќе од 100 километри.

На 24 јуни Венецуела беше погодена од два силни земјотреси, а по главните потреси следеа голем број последователни потреси. Првиот земјотрес беше со јачина од 7,2 степени и погоди област околу 160 километри западно од Каракас, додека само 39 секунди подоцна следеше посилен земјотрес со јачина од 7,5 степени. Според податоците објавени од претседателот на Националното собрание на Венецуела, Хорхе Родригез, повеќе од 6.300 луѓе загинаа во земјотресите и нивните последици, додека 16.740 луѓе беа повредени. Тој, исто така, изјави дека 17.907 луѓе останаа без покрив над главата, пренесува Србија Данас.

Фото Економија и бизнис