Лидерите на шесте фискално конзервативни, таканаречени „штедливи“ членки на Европската Унија (ЕУ), Германија, Австрија, Данска, Финска, Холандија и Шведска, се состанаа денес во пресрет на самитот на ЕУ за да го потврдат и изразат своето противење на предлогот за голем буџет на Унијата и се залагаа за намалување на расходите и пренасочување на средствата кон нови приоритети.

Овие земји се за намалување на повеќегодишниот буџет на ЕУ за неколку стотици милијарди евра и насочување на средствата кон области како што се безбедноста, истражувањето и климатската политика, наместо традиционалните области на финансирање, како што се земјоделството и кохезиската политика, пишува Еуроњуз.

Нивниот став е во спротивност со ставот на група од 17 членки на ЕУ, познати како „Пријатели на кохезијата“, предводени од Шпанија и Италија, кои се залагаат за зачувување на средствата за земјоделството и развојот на помалку развиените региони.

Дебатата за буџетот на ЕУ е закажана за денес попладне, а се очекува преговорите да бидат тешки, со оглед на големите разлики во ставовите на земјите-членки.

Поради оддалечените позиции, постигнувањето едногласен договор до крајот на годината, е сè помалку сигурно.

Фото Економија и бизнис