Најголемите нафтени компании во светот речиси ги дуплираа своите профити во вториот квартал од 2026 година

Шест од најголемите компании за производство на нафта и гас во светот речиси ги дуплираа своите профити во вториот квартал од 2026 година во споредба со претходниот квартал, додека многу делови од светот истовремено се соочија со топлотни бранови, суши и големи пожари, според анализата на холандската организација Оксфам Новиб, која ја емитува каналот RTL Z.

Според организацијата, Shell, BP, Shell, Eni, Exxon Mobile и Total Energy ја зголемија својата комбинирана нето добивка од 23 милијарди долари во првиот квартал на 45 милијарди долари во вториот квартал од 2026 година.

Шесте најголеми производители, исто така, планираат да го зголемат производството на нафта и гас за 14 проценти до 2030 година во споредба со нивоата од 2024 година.

Одредени европски земји, вклучувајќи ги Германија, Италија, Шпанија, Португалија и Австрија, се залагаат за поголемо оданочување на вонредните профити на енергетските компании.

Холандија сè уште не се приклучи на иницијативата, иако за време на енергетската криза во 2022 година воведе дополнителен данок на добивката на нафтените и гасните компании, што собра околу 3,2 милијарди евра за државниот буџет, пренесува Еуроњуз Србија.

Фото Економија и бизнис