Руската влада  во саботата ја продолжи забраната за извоз на дизел, која стапи на сила на 8 јули, до 30 септември.

Забраната важи и за извоз на гориво и деривати на гас, според владиното соопштение објавено на социјалните мрежи.

Соочена со недостиг, Русија пред неколку месеци почна да увезува бензин и дизел и даде даночни олеснувања за увезените горива.

Деновиве медиумите пишуваат дека жителите на Москва и Московскиот регион секојдневно разменуваат информации на локални разговори за бензинските пумпи кои сè уште имаат гориво, како и за должината на редовите. Редовите од 30-50 автомобили во главниот град веќе не се невообичаени.

Ограничувања за продажба на гориво се во сила во десетици региони, од балтичкиот брег до Сибир. Еден центар за глампинг во близина на Црното Море дури и објави на социјалните медиуми дека им дава на посетителите бесплатен резервоар со бензин.

На независните бензински пумпи, бензинот чини околу 100 рубли – приближно 1,20 американски долари – за литар или повеќе. Кај големите нафтени компании со сопствени рафинерии, цената останува под 80 рубли.

Фото Економија и бизнис