Прометот преку класично тргување на Македонска берза во првата половина од 2026 година достигна 2,12 милијарди денари (34,5 милиони евра), што претставува намалување од 31,34 % во споредба со истиот период лани. Најтргувана акција беше Комерцијална банка, додека индексот МБИ10 забележа пад од 9,88 %, покажуваат податоците од полугодишниот извештај на Берзата.
Полугодишен извештај: Македонска берза за периодот јануари-јуни 2026 година
Берзански резиме (јануари-јуни 2026)
Берза: Македонска берза
Вкупен промет(класично тргување): 2,12 милијарди денари
Промена(во однос на први шест месеци од 2025): -31,34%
Најтргувана акција(од официјален пазар): Комерцијална банка Скопје (839,4 милиони денари)
Топ 3 по промет: Комерцијална банка Скопје, Алкалоид Скопје и Македонски Телеком Скопје
Најголем раст: РЖ Техничка контрола (+16,92 %)
Најголем пад: Македонија турист (-28,91 %)
Вредност на МБИ10: -9,88 %
Најтргувани акции во првата половина од 2026 година
| Компанија | Промет |
| Комерцијална банка | 839,4 милиони денари |
| Алкалоид | 392,7 милиони денари |
| Македонски Телеком Скопје | 193,2 милиони денари |
| Макпетрол Скопје | 166,3 милиони денари |
| НЛБ Банка АД Скопје | 165,7 милиони денари |
Промет на берзата
Вкупниот промет преку класично тргување на Македонска берза во првата половина од 2026 година изнесуваше 2.12 милијарди денари (34.5 милиони евра), што е за 31.34 % помалку во споредба со првите шест месеци од 2025 година
Прометот беше реализиран преку 8 641 трансакции (25,66 % помалку во однос на првата половина од 2025 година.
Добитници и губитници
Топ 3 акции со раст на вредноста се:
- РЖ Техничка контрола – раст од 16,92 %
- Адинг Скопје – раст од 14,46 %
- Попова Кула Демир Капија – раст од 12,5 %
Топ 3 акции со пад на вредноста се:
- Македонијатурист – пад од 28,91 %
- Макошпед – пад од 25,32 %
- ВВ тиквеш – пад од 24,12 %
Во првата половина од 2026 година се извршија и блок трансакции во вкупна вредност од 2,4 милијарди денари што претставува зголемување од 216 % во однос на јануари-јуни 2025 година.
Иако класичното тргување во првата половина од 2026 година бележи значителен пад на прометот и на бројот на трансакции, блок трансакциите забележаа силен раст од 216 % на годишно ниво, достигнувајќи вредност од 2,4 милијарди денари. Тоа покажува дека интересот за поголеми институционални зделки останува висок, и покрај послабата активност на редовниот пазар. Истовремено, Комерцијална банка, Алкалоид и Македонски Телеком ја задржаа водечката позиција според остварениот промет.
подготви: Кирко Бошкоски
