Европските мориња достигнаа извонредно високи температури ова лето, а климатските промени се главно одговорни за затоплувањето, заклучи меѓународен тим истражувачи во извештај.

Температурите на површината на морето по речиси сите европски брегови се повисоки од просекот забележан помеѓу 1990 и 2020 година, при што западниот Медитеран и Иберискиот Полуостров се едни од најпогодените области.

Температурите во некои области се над шест степени Целзиусови над нормалата.

Тимот на Светската научна мрежа за анализа на влијанието врз климатските промени (WWA) ги спореди температурите на површината на морето во јуни со климатските модели за да ги процени ефектите од глобалното затоплување.

Тие заклучија дека климатските промени ја зголемија просечната температура за приближно два степени Целзиусови во Средоземното Море, 1,4 степени во Бискајскиот Залив и западниот брег на Иберискиот Полуостров и 1,3 степени околу Ирска и западниот брег на Велика Британија.

Потоплите мориња можат да ги нарушат морските екосистеми и синџирите на исхрана и потенцијално да ги намалат популациите на морските цицачи и птици. Рибарите во југозападна Англија, исто така, забележаа нагло зголемување на бројот на октоподи, вид што нормално се наоѓа во потоплите води околу Северна Африка, пренесува Н1.

Фото Економија и бизнис