Камерата што регистрирала најмногу прекршоци се наоѓа на автопатот А-7 во близина на градот Валенсија во Шпанија, а во 2025 година регистрирала 90.766 прекршоци за пребрзо возење. Ова значи дека ги казнува возачите на секои шест минути, што на шпанската држава ѝ донесе дури 18,9 милиони евра, објавува „Ел Индепендиенте“.

Автопатот А-7 е еден од најважните патишта по должината на брегот на Шпанија, каде што обично можете да возите со брзина од 120 км/ч. Сепак, на еден дел, ограничувањето е 100 км/ч. Многу возачи не реагираат навреме и ја поминуваат камерата со зголемена брзина.

Камерата била исклучена неколку месеци. Кога била повторно активирана, многу луѓе се навикнале на тоа што не се следи. Шпанските сообраќајни власти велат дека камерата е на опасно место за да забави и да спаси животи, а не за да собира пари. Пребрзото возење во Шпанија може да ве чини од 100 до 600 евра, а можете да изгубите и поени на возачката дозвола.

Фото Економија и бизнис