Шпаркасе Банка започна нова кампања за депозитни производи под мотото „Висока, повисока, највисока каматна стапка“, со фокус на Депозит плус – производ со атрактивна понуда за штедење што носи повисоки фиксни каматни стапки за различни вредносни рангови, нови рочности и поголема флексибилност за клиентите при планирањето на нивните финансиски цели.

Во рамките на промотивниот период, кој трае до 31.7.2026 година, клиентите имаат можност да орочат средства во денари и во евра со атрактивни услови и избор на повеќе рочности.

Со „Депозит плус“ клиентите добиваат фиксна годишна каматна стапка за штедење во денари во висина до 3,50 % при орочување на средствата на 36 месеци и можност за комбинирање со Unit Linked полиса за животно осигурување. Клиентите што преферираат штедење во евра, добиваат фиксна годишна каматна стапка во висина до 2,80 % со рочност од 36 месеци. Покрај рочноста од 36 месеци, производот е достапен со рочност 13 и 25 месеци за штедење во денари, како и со рочност 12 и 25 месеци за штедење во евра. 

Во рамките на понудата е вклучен и „Детски депозит“, наменет за долгорочно штедење за најмладите. Производот е достапен во денари и во евра, со рочности од 25 до 60 месеци. Депонентите што ќе отворат детски депозит во денари добиваат фиксна каматна стапка од 3,30 % за штедење на 60 месеци, додека за штедење во евра добиваат фиксна каматна стапка од 2,50 % за истиот период на орочување. Новитет во понудата е и можноста за орочување на „Детски депозит“ на 48 месеци.

Покрај класичните депозитни производи, клиентите можат да го користат и „ОНЛАЈН Депозит“ – современо дигитално решение што овозможува брзо и едноставно орочување средства преку дигиталните канали на Банката, 24/7 и од кое било место.

Со „ОНЛАЈН Депозит“ клиентите добиваат до 3,30 % фиксна годишна каматна стапка за штедење во денари и до 2,50 % фиксна годишна каматна стапка за штедење во евра, со можност за едноставно и брзо отворање депозит преку дигиталните канали на Банката.

Шпаркасе Банка продолжува да развива производи што одговараат на различните потреби на клиентите, комбинирајќи сигурност, атрактивни каматни стапки и современи решенија за штедење.

Повеќе информации за депозитните производи се достапни на:
https://www.sparkasse.mk/mk/private-clients/shtedenje-i-investiranje/shtedenje