Цените на нафтата на меѓународните пазари останаа на околу 89 долари во петокот, на пат кон неделен пад, бидејќи трговците ги следат податоците за транзитот на танкери низ Ормуската Теснина и застојот во дипломатските разговори меѓу САД и Иран.

Барел сурова нафта се тргуваше по 89,15 долари во Лондон по пладне, што е за 55 центи помалку од затворањето претходниот ден. Нафтата падна за еден долар на 82,53 долари во САД.

Податоците за цените  на двата пазари се на пат да ја затворат неделата со пад од околу пет проценти.

„Неделниот пад на цените веројатно се должи на обемот на сурова нафта што може да помине низ теснецот и темпото на неговото зголемување, што ќе им овозможи на азиските рафинерии да ја преземат и преработат нафтата. Пазарите беа изненадени од дополнителните текови, поморскиот коридор меѓу Иран и Оман и тврдењата на САД дека отстраниле мини“, рече Јанив Шах, аналитичар во „Ристад“.

САД објавија за „најстрогите санкции во историјата“ против Иран. Техеран ги опиша санкциите како „нехуман и непријателски чин“ што ја изгуби својата ефикасност, пренесува Пословни дневник.

Фото Економија и бизнис