Вработеноста во индустрискиот сектор на Германија падна на најниско ниво во последната деценија, а компаниите сè повеќе се одлучуваат да не ги заменат работниците што заминуваат, покажа студија нарачана од Фондацијата Бертелсман.
Индиструскиот сектор во Германија сега има 6,6 милиони вработени, додека неговиот удел во вкупната вработеност падна на 19% од 22% во 2014 година, покажа студија на Економскиот институт IW.
Падот не е предизвикан од отпуштања од голем обем, туку од послаба активност за вработување, велат истражувачите.
Вработувањата и отпуштањата во голема мера се движеа паралелно до 2019 година, но оттогаш се отвори јаз бидејќи новите вработувања се намалија значително побрзо од отпуштањата, покакажала студијата.
– Намалувањето на вработеноста е предупредувачки знак за идните трендови во вработувањето, рече Луиза Кунце, експерт за пазарот на трудот во Фондацијата Бертелсман.
– Ни треба оживување на побарувачката за работна сила во индустријата и поголема динамика на пазарот на трудот – рече таа, додавајќи дека посилното вработување ќе создаде можности за нови учесници, ќе ги олесни промените во кариерата и ќе му помогне на секторот да се обнови.
Студијата покажа дека германската индустрија станала помалку привлечна за работниците во последните години.
Премијата на платата за вработените кои започнуваат кариера во индустријата во споредба со другите сектори падна на 10,4% во 2024 година од 20,4% една деценија порано. За долгорочните вработени, предноста во платата падна на 8,7% од 16,5% во истиот период.
Премијата на плата претставува дополнителен процент од приходот што работниците го заработуваат едноставно со избирање работа во индустрискиот сектор во однос на еквивалентна позиција во друга област.
Авторите на студијата забележаа дека ризикот од губење на работното место во индустријата останал помал во 2024 година отколку што бил 10 години претходно, пренесува Вијести.ба.
Фото Економија и бизнис
