Цената на дизелот во Франција денес достигна просек од 2,41 евра за литар, што претставува нов рекорд, во екот на геополитичката криза што сериозно го наруши снабдувањето со енергија, според француските медиуми.

Денешните податоци се добиени врз основа на цените прикажани на повеќе од 8.700 бензински пумпи на веб-страницата на Министерството за економија, што го надмина претходниот рекорд поставен еден ден претходно, објавија француските медиуми.

Како што е наведено, на некои пумпи цената достигнала дури 2,90 евра и се приближува до симболичната граница од три евра за литар.

Кога станува збор за бензинот, неговата просечна цена е 2,25 евра за литар за безоловен бензин од 95 октани и 2,17 евра за SP95-E10, чија цена веќе повеќе од десет дена е над максимумот забележан во 2022 година.

Просечната цена на горивото SP98 денес надмина 2,28 евра.

Се очекува француската влада да објави нов пакет помош за најранливите возачи во наредните денови, пренесува Б92.

Фото Економија и бизнис