Во коментар на Фејсбук, поврзан со загадувањето на водата во гостиварскиот водовод, професорот Пановски вели дека загадување на градски водовод е опасна работа, недозволива во 21 век.

„Ова сега ќе помине, страшно е, но има цревни вируси кои имаат подолга инкубација. Хепатитис А вирус. Што ако водата се загадила од некој кој е носител или болен од жолтица. Што ќе биде по еден медец ако почне епидемија на хепатитис. Загадување на градски водовод е опасна работа, недозволива во 21 век, а немало ни поплави, ни земјотрес“, стои во коментарот од професорот Никола Пановски.

Тој додава дека во отпадните води има фекални материи од илјадници лица и ако некој од нив е заразен од хепатит А при мешање на отпадните води со водата за пиење, вирусот може да зарази некој кој ја пие таа вода.