Економија
ОД ВЕНЕЦУЕЛА ЗА ПРВ ПАТ ЌЕ СЕ ИЗВЕЗУВА ТЕЧЕН ПРИРОДЕН ГАС, ова е „историски момент“ за венецуелскиот енергетски сектор
17.01.2026
Во јануари оваа година, Венецуела го потпиша својот прв историски договор за извоз на течен природен гас (LPG), што претставува нова насока на развој во енергетскиот сектор на земјата, објавија официјални лица во Каракас.
На состанокот на Националниот економски совет на 16 јануари, вршителката на должноста претседател Делси Родригез објави склучување на договор за комерцијализација на течен гас произведен од државната компанија. Според неа, ова е „историски момент“ за венецуелскиот енергетски сектор, кој се движи кон поголема интеграција во тековите на светскиот пазар, објавува Политика.
Родригез објави дека сите приходи од продажбата на нафта и гас ќе бидат канализирани преку Централната банка на Венецуела, што ќе го поддржи функционирањето на националниот девизен пазар и стабилизацијата на економијата на земјата. Таа изјави дека дел од средствата ќе бидат инвестирани во социјални програми и развој на инфраструктурата, со цел поттикнување на долгорочен економски раст.
На почетокот на јануари, САД објавија договор со Каракас за извоз на венецуелска сурова нафта во вредност до две милијарди долари, со услов дел од приходите да бидат насочени за купување американски производи.
Меѓународните нафтени концерни претпазливо ги прифатија најавените инвестициски планови во Венецуела, забележувајќи дека водењето бизнис во земјата сè уште носи значителни ризици поради политичката неизвесност и сложената регулаторна клима.
Фото Економија и бизнис