Економија
ЕУ оствари рекордна година во туризмот, само две земји оствариле помалку ноќевања
17.01.2026
Европската Унија во 2025 година се остварени околу 3,08 милијарди туристички ноќевања, што е за 61,5 милиони или два проценти повеќе отколку во 2024 година, според раните проценки за туризмот објавени од Евростат. Со ова 2025 година била рекордна година за туризмот во ЕУ. Растот на бројот на ноќевањата е главно поттикнат од зголемувањето на ноќевањата на меѓународните туристи во Европа, кои според овие проценки биле за 46,1 милиони повеќе отколку во 2024 година.
Ноќевањата на домашните туристи во ЕУ пораснале побавно во 2025 година, односно имало околу 15,4 милиони повеќе отколку во 2024 година.
Првичните проценки за туризмот покажуваат дека ноќевањата во туристички сместувачки капацитети во 2025 година биле повисоки отколку во 2024 година во речиси сите земји од ЕУ, со најголемо зголемување во Малта, од околу 10 проценти, по што следува Полска со зголемување од 7 проценти. Хрватска е на 23-то место од 27 земји-членки на ЕУ, со годишен раст на туристичките ноќевања од малку повеќе од еден процент во споредба со 2024 година. Хрватска е пред голем број земји, вклучувајќи ги и оние од Медитеранот, во кои растот на ноќевањата во 2025 година изнесувал околу два проценти: Шпанија, Белгија, Португалија, Шведска, Холандија, Австрија, Финска, Данска, Италија и Грција.
По Малта, Полска и Латвија, првите десет земји со најголем раст на ноќевањата во ЕУ во 2025 година во споредба со 2024 година се Литванија и Луксембург со раст од околу шест проценти, Словенија и Словачка со раст од близу шест проценти, потоа Унгарија, Бугарија и Кипар со раст од четири проценти. Франција, како најпосетувана земја во Европа и светот, е на 11-то место според овие проценки со раст на туристичките ноќевања од нешто над три проценти.
Само Романија и Ирска забележаа пад на бројот на ноќевања меѓу земјите-членки на ЕУ во 2025 година, за еден и два проценти, соодветно, пренесува Пословни дневник.
Фото Економија и бизнис