Бизнис
ПРАВНИЦИ, ЕКОНОМИСТИ, НАСТАВНИЦИ ПОСЕТУВААТ НАСТАВА ЗА ПЛОЧКАРИ, оваа професија нуди сигурен приход од 60 до 100 евра за квадрат
24.11.2025
Правници, економисти, сообраќајни инженери, машиновозачи, келнери, верски наставници, пекари и цела низа други професии посетуваат настава за стекнување на знаења за поставување на керамички плочки. Колеџот „Данте“ е единствениот во Приморско-горската жупанија во Хрватска, што спроведува ваков вид образование, директорот Андреј Марушиќ вели дека во поставувањето керамички плочки, 40 проценти од студентите се оние со диплома.
Оваа институција, која спроведува програми за образование на возрасни, започна со обука на третата група студенти кои сакаат да стекнат вештини за поставување керамика.
– Ова се високообразовани студенти кои се преквалификуваат. Мотивот е ист за сите: побрза вработливост, мерлив квалитет на работата и цена на вештина што пазарот ја препознава, не утре, туку веднаш. Сè повеќе луѓе со диплома доаѓаат да стекнат занает. Тие ни кажуваат истото: сакаат вештина што се плаќа и сигурна работа. Нашата задача е да им обезбедиме максимална пракса и стандард на перформанси што го бараат работодавците, објаснува Марушиќ, во разговор за Нови лист.
Досега 24 учесници ја завршиле обуката во две групи, Марко Чобанов, стручен соработник во Одделот за образование и кариерен развој, вели дека, иако обуката на третата група започнала неодамна, веќе има голем број заинтересирани за четвртата група.
Зголемениот интерес за посетување на оваа настава се должи секако цената за поставување плочки, која почнува од 30 евра за квадратен метар и се искачува до 60 или 70 евра, пишува Нови лист.
Фото Економија и бизнис